1912. urtearen hasieran, bilbotar batzuek erabaki zuten Bilbok kalitatezko garagardo bat behar zuela eta La Cervecera del Norte sortu zuten. Barietate ezberdinen artean, osagai onenak eta elaborazio zainduarekin Oro garagardoa sortu zuten. Basurtun jaio zen garagardoa, eta munduan saritua izan da bere zaporeagatik.

Sasoi batean edan eta bizi genuen garagardoa da Oro.

1912ko martxoaren 2an sortu zen La Cervecera del Norte kooperatiba herrikoia, garagardoa, izotza eta malta fabrikatzeko. Bizkaitar talde bat buru, 60 behargin eta bulegoko langileek osatutako lantaldearekin eman zitzaion hasiera ekoizpenari, Hurtado de Amezaga kaleko 12. zenbakian. Irailean hiru eraikinez eta lorategiak zituen aisialdi gune batez osatutako fabrika eraikitzen hasi ziren. Honekin batera, etiketa lehiaketa bat antolatu zuten, eta 1913ko uztailaren 20an ofizialki Oro erregistratu zuten.

Hamar urte beranduago, Iparralde lorategiak eraiki ziren. Aurrerantzean Bilboko familia ugariren bilgune bilakatu ziren hauek, igandero kontzertuak eskaintzen baitziren. Bi bolatoki ere baziren, 1928an frontoi baten truke ordezkatuak izan zirenak.

La Cervecera del Norte Estatu mailan salmenta kopuruaren araberako zazpigarren garagardo fabrika izatera iritsi ostean, hirian ospe handikoa zen ‘La Vizcaína’ garagardo fabrikarekin fusionatu zen. ‘La Vizcaína’ 200 kafetegi, jatetxe eta establezimendu baino gehiagoren jabeen arteko kooperaziotik jaio zen. Bere garagardoak asko estimatzen ziren Bilbon. Gerra Zibila zela eta, 1938an etenaldi bat eman zen bere ekoizpenean eta 40. hamarkadan lehengaiak lortzeko arazoak medio, zailtasunez egin zuten aurrera.

La Cervecera del Nortek bere hedapenari ekin zion, Bilbon egindako garagardoa botilaratu eta banatzen zuen sukurtsal bat irekitzera iritsita Burgosen. 1956an Estatu mailako garagardo fabrika berritzaileen artean lehen postuan jarri zen Basurtuko instalazioak berritu, eta hauek guztiz mekanizatu ondoren. Urte horretan, Gabon garaian, Orok etxez etxeko zerbitzua eskaini zuen lehenengo aldiz.

La Cervecera del Nortek goi mailako bikaintasun saria jaso zuen Ganten, mundu mailako 444 garagardoekin lehian, Estatu mailako garagardogintzaren buruan jarriz. Honek Ororen publizitatean hazkundea suposatu zuen, lehendabiziko telebista iragarkia sortuz. Hiriko futbol zelaian iragartzen hasi ziren, eta aldi berean Euskadi eta Espainiako txirrindularitza frogak babestea erabaki zuten. 1960an gainera, Oro izena zuten lehenengo iturriak azaldu ziren eta Valentzian instalazio berriak ireki ere bai.

Oro Especial garagardoak urrezko domina eskuratu zuen Bruselako Nazioarteko Lehiaketan jaio zen urte berean eta kontsumitzaileen artean dominaren kopiak zozketatu egin zituzten. Horietako bat, Bilboko Ostalarien Gremioari eman zitzaion. 1973an garagardo sorta handitu zuten, Oro Lujo, litroko Oro familiarra eta Oro Export Especial garagardoekin. Urte horretan bertan, Cervezas Oro saria egokitu zen, kirolari bizkaitarrak saritzeko sortutakoa.

Bilbok Oro bere gorentasunera eraman zuen, izan ere, hiriko kartel argidunek eta banaketa kamioiek bere ikurrak harro erakusten baitzituzten. 1976an botilen tapoietan sariak ezkutatzen zituen marketin kanpaina jarri zuten martxan. Sari horiek topatzen zituzten zerbitzariek 5.000 pezetako dirusaria jasotzen zuten. Aurretik, 1975ean La Cervecera del Norte, Unión Cerveceraren parte bilakatu zen. 1983an, gizartearekin eta hiriarekin zuen konpromisoa zela eta, Oro 83ko uholdeetan laguntza-lanetan ere presentzia izan zuen.

Fabrikaren azken markak izango zirenak sortu ziren: Oro Pilsener eta Oro Lujo Extra. Bi urteren buruan, 1993an, La Cervecera del Norteren Bilboko fabrika itxi egin zen, gerora, 1995an fabrika eraitsi eta bertan etxebizitzak eta anbulatorio bat eraikitzeko.

Bilboren betiko zaporea, ORO, bueltan da. Bilboren betiko esentzia gurean da berriz ere, hiriaren benetako zaporea. Bilboren nortasun eta harrotasuna bueltan datoz hirira, antzinako garaiak berriz ere gogora ekarriz. Bilboko ostalariei esker ditugu bueltan ORO tabernak.